ಸಿಂದಗಿ: ಪಟ್ಟಣದ ವಿಜಯಪುರ ರಸ್ತೆಯಲ್ಲಿರುವ ಮಾಂಗಲ್ಯ ಭವನದಲ್ಲಿ ತಾಲೂಕಾ ಗಾಣಿಗ ಸಮಾಜ ಸಂಘದವತಿಯಿಂದ ಹಮ್ಮಿಕೊಂಡ ಪ್ರತಿಭಾನ್ವಿತ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ಹಮ್ಮಿಕೊಳ್ಳಲಾಗಿತ್ತು.

ಸಿಂದಗಿ; ರೈತರು ದೇಶಕ್ಕೆ ಅನ್ನದಾತರು ಅಂತಹ ನಿಸ್ವಾರ್ಥ ಸೇವೆ ಸಲ್ಲಿಸಿ ದೇವರು ಕೊಟ್ಟಿದ್ದರಲ್ಲಿ ಸಂತೃಪ್ತಿಪಟ್ಟು ನಾಡಿನಲ್ಲಿ ಪ್ರೀತಿ ವಿಶ್ವಾಸ ಅರ್ಹವಾದ ಕುಲ ಹಾಗೂ ವಿಶ್ವಾಸಕ್ಕೆ ಇನ್ನೊಂದು ಹೆಸರೇ ಗಾಣಿಗ ಸಮಾಜ ಎಂದು ಅಥಣಿ ಬಿಜೆಪಿ ಮುಖಂಡ ಚಿದಾನಂದ ಸವದಿ ಅಭಿಮತ ವ್ಯಕ್ತಪಡಿಸಿದರು.

ಪಟ್ಟಣದ ವಿಜಯಪುರ ರಸ್ತೆಯಲ್ಲಿರುವ ಮಾಂಗಲ್ಯ ಭವನದಲ್ಲಿ ತಾಲೂಕಾ ಗಾಣಿಗ ಸಮಾಜ ಸಂಘದವತಿಯಿಂದ ಹಮ್ಮಿಕೊಂಡ ಗಾಣದೇವತೆ ವೃತ್ತ ಭೂಮಿ ಪೂಜೆ, ಗ್ರಂಥ ಬಿಡುಗಡೆ ಮತ್ತು ಪ್ರತಿಭಾ ಪುರಷ್ಕಾರ ಹಾಗೂ ಸನ್ಮಾನ ಸಮಾರಂಭವನ್ನು ಉದ್ಘಾಟಿಸಿ ಅವರು ಮಾತನಾಡಿ, ಈ ತಾಲೂಕಿನಲ್ಲಿ ಸುಮಾರು 45 ಸಾವಿರಕ್ಕೂ ಅಧಿಕ ಜನಸಂಖ್ಯೆ ಹೊಂದಿದ್ದರು ಕೂಡಾ ಸಮಾಜದ ವ್ಯಕ್ತಿ ಸೋಲುತ್ತಾನೆ ಎಂದರೆ ಇಲ್ಲಿ ಸಮಾಜದ ಒಗ್ಗಟ್ಟಿನ ಕೊರತೆ ಎದ್ದು ಕಾಣುತ್ತಿದ್ದು ಮುಂದಿನ 2023ರ ಚುನಾವಣೆಯಲ್ಲಿ ಗಾಣಿಗ ಸಮೂದಾಯದ ಅಭ್ಯರ್ಥಿಯ ಆಯ್ಕೆಗೆ ಬಲ ಪ್ರದರ್ಶಿಸಬೇಕು ಎಂದರು.

ಹಂಪಿ ಕನ್ನಡ ವಿಶ್ವವಿದ್ಯಾಲಯದ ಸಂಶೋಧನಾರ್ಥಿ ಕು.ಮೇಘನಾ ಜಿ ಉಪನ್ಯಾಸ ನೀಡಿ, ಗಾಣಿಗ ವೃತ್ತಿಯ ಪರಿಶ್ರಮದಿಂದ ನಮ್ಮನ್ನು ಗುರುತಿಸುತ್ತವೆ. ಯಾವ ಸಮುದಾಯದಿಂದ ಗುರುತಿಸಿಕೊಂಡಿತ್ತೋ ಆ ಕುಲಕಸಬು ಇಂದು ಬರೀ ಪ್ರತಿಶತ 4 ರಷ್ಟು ಮಾತ್ರ ಉಳಿದಿದ್ದು ಅದರ ಅಳಿವು ಉಳಿವಿಗೆ ಇಂದಿನ ಪೀಳಿಗೆಗೆ ಸಮಾಜದ ಕಸಬನ್ನು ತುಚ್ಯವಾಗಿ ಕಾಣದೇ ಅದನ್ನು ಮುಂದುವರಿಸುವಂತೆ ಹೋಗಲು ಪ್ರೇರಿಸಬೇಕು. ಮತ್ತು ಗಾಣಿಗ ಸರ್ಟೀಫಿಕೇಟ್ ಕೊಡಬೇಕು ಎನ್ನುವ ಸರಕಾರದ ಸುತ್ತೋಲೆ ಇದ್ದರೂ ಇಲ್ಲಿನ ಅಧಿಕಾರಿಗಳು ನೀಡಲು ಮೀನ ಮೇಷ ಎಣಿಸುತ್ತಿದ್ದು, ಅದನ್ನು ಸರಕಾರ ಮಟ್ಟದಲ್ಲಿ ಚರ್ಚಿಸಬೇಕು ಎಂದು ಒತ್ತಾಯಸಿದರು.

ಗಾಣದೇವತೆಯ ವೃತ್ತ ಭೂಮಿಪೂಜೆ ನೆರವೇರಿಸಿದ ದಾರವಾಡ ಜಿ.ಆರ್.ಗ್ರುಪ್ಸ್‍ನ ಮುಖ್ಯಸ್ಥ ಶಿವಾನಂದ ಪಾಟೀಲ ಸೋಮಜ್ಯಾಳ, ಕಸಾಪ ಅಧ್ಯಕ್ಷ ಸಿದ್ಧಲಿಂಗ ಚೌಧರಿ ಸಂಪಾದಕತ್ವದ ಗಾಣರತ್ನ ಗ್ರಂಥ ಬಿಡುಗಡೆ ಗೊಳಿಸಿದ ಮಾಜಿ ಶಾಸಕ ರಮೇಶ ಭೂಸನೂರ ಮಾತನಾಡಿದರು. ದಿವ್ಯ ಸಾನಿಧ್ಯತೆಯನ್ನು ಕೊಲ್ಹಾರ ದಿಗಂಭರೇಶ್ವರ ಸಂಸ್ಥಾನ ಮಠದ ಶ್ರೀ ಕಲ್ಲಿನಾಥ ದೇವರು, ಸಾನಿಧ್ಯ ಸೋಮಜ್ಯಾಳ ಮಠದ ಶ್ರೀ ಅಮೃತಲಿಂಗ ಶಿವಾಚಾರ್ಯರು ಆಶೀರ್ವಚನ ನೀಡಿದರು.

ಈ ಸಂದರ್ಭದಲ್ಲಿ ಎಸ್‍ಎಸ್‍ಎಲ್‍ಸಿ ಹಾಗೂ ಪಿಯುಸಿ ಪರೀಕ್ಷೆಯಲ್ಲಿ ಅತೀ ಹೆಚ್ಚು ಅಂಕ ಪಡೆದ ಸಮಾಜದ ಪ್ರತಿಭಾನ್ವಿತ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ಹಾಗೂ ಸಮಾಜದ ಉನ್ನತ ಹುದ್ದೆಯ ಅಧಿಕಾರಿಗಳಿಗೆ ಸನ್ಮಾನ ಗೌರವಿಸಲಾಯಿತು.

ಬಾಗೆವಾಡಿಯ ಮಾಜಿ ಸಚಿವ ಎಸ್.ಕೆ.ಬೆಳ್ಳುಬ್ಬಿ, ಗಾಣಿಗ ಸಮಾಜದ ಸಂಸ್ಥಾಪಕ ಅಧ್ಯಕ್ಷ ಬಸವಂತ್ರಾಯ ಮಲಗಾಣ, ಸಮಾಜದ ಅಧ್ಯಕ್ಷ ಮಲ್ಲಣ್ಣ ಮನಗೂಳಿ, ಜಿಪಂ ಸದಸ್ಯ ಮಹಾಂತಗೌಡ ಪಾಟೀಲ, ಎಪಿಎಂಸಿ ಅಧ್ಯಕ್ಷ ಗೋಲ್ಲಾಳಪ್ಪಗೌಡ ಗೌಡ ರೂಗಿ, ಗಾಣಿಗ ಸಮಾಜದ ಜಿಲ್ಲಾಧ್ಯಕ್ಷ ಶರಣಬಸು ಅರಕೇರಿ, ಮುಂಬೈ ಹೈಕೋರ್ಟ್ ನ್ಯಾಯವಾದಿ ಶಂಬುಲಿಂಗ ಕಕ್ಕಳಮೇಲಿ, ಶಂಕರ ಬಗಲಿ, ಶರಣಗೌಡ ಪಾಟೀಲ, ಮಡಿವಾಳಪ್ಪ ಬೋನಾಳ, ಮಲ್ಲಿಕಾರ್ಜೂನ ಬಿರಾದಾರ, ಪುರಸಬೆ ಸದಸ್ಯೆ ಪ್ರತಿಭಾ ಪಾಟೀಲ, ಬಿ.ಎಚ್.ಬಿರಾದಾರ, ಯಶವಂತ್ರಾಯಗೌಡ ರೂಗಿ, ಬಸವರಾಜ ಶೀಲವಂತ, ಶಿವಕುಮಾರ ಕಲ್ಲೂರ, ರಮೇಎಶ ಗಂಗನಳ್ಲಿ, ಜಿ.ಆರ್.ಪಾಟೀಲ, ಸಿದ್ದನಗೌಡ ಬಿರಾದಾರ ಅಡಕಿ, ಕೆಡಿಪಿ ಸದಸ್ಯರಾದ ಶಿವಕುಮಾರ ಬಿರಾದಾರ, ಅನುಸೂಯಾ ಪರಗೊಂಡ, ಪ್ರಶಾಂತಗೌಡ ಪಾಟೀಲ, ಸುರೇಶ ಮಳಲಿ ಸೇರಿದಂತೆ ಹಲವರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು.

ರಾಗರಂಜನಿ ಮೇಲೋಡಿಸ್‍ನ ಡಾ. ಪ್ರಕಾಶ ನಾಡಗೀತೆ ಹಾಡಿದರು. ಎಬಿಸಿಡಿ ಡ್ಯಾನ್ಸ್ ಕ್ಲಾಸ್‍ನ ವಿದ್ಯಾರ್ಥಿಗಳು ನೃತ್ಯದ ಮೂಲಕ ಪ್ರಾರ್ಥನಾ ಗೀತೆ ಹಾಡಿದರು. ಶ್ರೀಶೈಲ ಪರಗೊಂಡ ಸ್ವಾಗತಿಸಿದರು. ಮಾತಾಜಿ ಪಾಟೀಲ ಪಾಟೀಲ ಕೇರೂಟಗಿ, ಸಿದ್ದಲಿಂಗ ಚೌಧರಿ ನಿರೂಪಿಸಿದರು. ಸುಂಗಠಾಣ ಪ್ರೌಡಶಾಲೆಯ ಪ್ರಾಚಾರ್ಯ ಎಸ್.ವ್ಹಿ.ಬಿರಾದಾರ ವಂದಿಸಿದರು.

ವರದಿ : ರಾಘವೇಂದ್ರ ಭಜಂತ್ರಿ