ತಾಲೂಕು ಕಾರ್ಯ ನಿರ್ವಾಹಕ ಅಧಿಕಾರಿಗಳ ಮುಖಾಂತರ ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆ ಸಚಿವರಿಗೆ ಮನವಿ.

ಯಾದಗಿರಿ: ಕರ್ನಾಟಕ ರಾಜ್ಯದ 6024 ಗ್ರಾಮ ಪಂಚಾಯತಿಗಳ ವ್ಯಾಪ್ತಿಯಲ್ಲಿ 4 ಕೋಟಿಗೂ ಹೆಚ್ಚಿನ ಗ್ರಾಮೀಣ ಪ್ರದೇಶದ ಜನಸಂಖ್ಯೆಗೆ ಕಿರು ನೀರು ಸರಬರಾಜು , ಕೊಳವೆಬಾವಿ ನೀರು ಸರಬರಾಜು ಯೋಜನೆಯಡಿ , 73,000 ನೀರು ಸರಬರಾಜು ಸ್ಥಾವರಗಳಿವೆ. ಕುಡಿಯುವ ನೀರಿಗಾಗಿ ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಸಾವಿರಾರು ಕೋಟಿ ಹಣ ಖರ್ಚು ಮಾಡುತ್ತಿವೆ. ಈ ಎಲ್ಲಾ ಸ್ಥಾವರಗಳಲ್ಲಿ ಪ್ರತಿದಿನ ಮನೆಮನೆಗೆ ನೀರು ಪೂರೈಸಲು ಹಗಲು-ರಾತ್ರಿಯೆನ್ನದೆ ರಜಾದಿನಗಳು ಇಲ್ಲದೇ ಟ್ಯಾಂಕರ್ ಗಳಿಗೆ ನೀರು ತುಂಬಿಸುವುದು ಗ್ರಾಮದ ಪ್ರತಿ ಬೀದಿಗಳಿಗೆ ನೀರು ಹೋಗಲು ಗೇಟ್ ವಾಲ್ ತೆಗೆಯುವುದು. ನೀರು ಸರಬರಾಜು ಆದಮೇಲೆ ಗೇಟ್ ವಾಲ್ ಮುಚ್ಚುವುದು. ಟ್ಯಾಂಕರ್ ಗಳಿಗೆ ಬ್ಲೀಚಿಂಗ್ ಪೌಡರ್ ಹಾಕಿ ಸ್ವಚ್ಛ ಮಾಡುವುದು. ಮೋಟಾರು ಕೆಟ್ಟರೆ ತೆಗೆದುಕೊಂಡುಹೋಗಿ ರಿಪೇರಿ ಮಾಡಿಸುವುದು. ಮನೆಗಳಿಗೆ ನಲ್ಲಿ ನೀರಿನ ಸಂಪರ್ಕ ಹಾಕಿ ಕೊಡುವುದು. ನೀರಿನ ಕಲೆಕ್ಷನ್ ಪೈಪ್ಗಳು ಹೊಡೆದು ಹೋದರೆ ರಿಪೇರಿ ಮಾಡುವುದು. ಚರಂಡಿಗಳಿಗೆ ಬ್ಲೀಚಿಂಗ್ ಪೌಡರ್ ಹಾಕುವುದು. ಕಚೇರಿಯಲ್ಲಿ ಬೆಳಿಗ್ಗೆ ಮತ್ತು ಸಂಜೆ ರಾಷ್ಟ್ರ ಧ್ವಜ ಹಾರಿಸುವುದು ಮತ್ತು ಇಳಿಸುವುದು. ಆಡಳಿತ ಮಂಡಳಿಯಿಂದ ಕೆಲಸಗಳು ಪಂಚಾಯಿತಿ ಅಭಿವೃದ್ಧಿಕಾರಿಗಳು ಮತ್ತು ಕಾರ್ಯದರ್ಶಿಗಳು ಹೇಳಿದ ಕೆಲಸಗಳನ್ನು ಮಾಡುವುದು. ವಾರ್ಡ್ ಸಭೆ ಗ್ರಾಮಸಭೆ ಸಿದ್ಧತೆಗಳನ್ನು ಮಾಡುವುದು. ಇನ್ನು ಮುಂತಾದ ಸೇವೆಗಳನ್ನು ಮನಗಂಡು.ಸರ್ಕಾರ ದಿ:10-1-1994 ಮತ್ತು 4-1-2008 ರಲ್ಲಿ ಗ್ರಾಮ ಪಂಚಾಯತಿ ಸಿಬ್ಬಂದಿ ವರ್ಗದ ಮಾದರಿ ಹಾಗೂ ನೌಕರರ ನೇಮಕಾತಿ ವಿಧಾನದ ಆದೇಶದಲ್ಲಿ ಗ್ರಾ.ಪಂ ವ್ಯಾಪ್ತಿಯಲ್ಲಿ ಬರುವ ಗ್ರಾಮಗಳಿಗೆ ಪ್ರತ್ಯೇಕವಾದ ನೀರಿನ ಸ್ಥಾವರಗಳ.( ಓವರ್ ಹೆಡ್ ಟ್ಯಾಂಕ್) ಸರಬರಾಜು(ಕೊರವೆ ಬಾವಿ ನೀರು ಸರಬರಾಜು ಹೊಂದಿದ್ದರೆ) ಅದರ ಅಗತ್ಯಕ್ಕೆ ತಕ್ಕಂತೆ ಪ್ರತಿ ಸರಬರಾಜು ಸ್ಥಾವರಕ್ಕೆ ಒಬ್ಬ ವಾಟರ್ ಮ್ಯಾನ್ / ಆಪರೇಟರ್ ನೇಮಿಸಿಕೊಳ್ಳಲು ಸರ್ಕಾರವು ಈಗಾಗಲೇ ಸಂಖ್ಯೆ: ಗ್ರಾ.ಪಂ.ಕ 2012 ದಿನಾಂಕ 04-01-2012 ರಲ್ಲಿ ನೌಕರರ ಕೆಲಸದ ಹಂಚಿಕೆ ಮಾಡಿ ಆದೇಶ ಹೊರಡಿಸಿದೆ. ಈ ಆದೇಶದಂತೆ ಪ್ರಸ್ತುತ ರಾಜ್ಯದಲ್ಲಿ 34587 ಸಾವಿರ ಸಿಬ್ಬಂದಿಗಳು , 60,000 ಜನವಸತಿ ಪ್ರದೇಶಗಳಾದ ಗ್ರಾಮಗಳು.

ತಾಂಡಗಳು , ಗೊಲ್ಲರಹಟ್ಟಿಗಳು , ವಾರ್ಡಗಳು ಮತ್ತೀತರ ಪ್ರದೇಶಗಳಿಗೆ ಕಿರು ನೀರು ಸರಬರಾಜು , ಕೊಳವೆಬಾವಿ ನೀರು ಸರಬರಾಜು , ಬಹು ಗ್ರಾಮ ಯೋಜನೆಗಳ ಮುಖಾಂತರ 73,000 ಸಾವಿರ ಸ್ಥಾವರಗಳಿಂದ ಕುಡಿಯುವ ನೀರು ಹಂಚಿಕೆ ಮಾಡುತ್ತಿದ್ದಾರೆ.

ಇದನ್ನು ಮನಗಂಡು ಸರ್ಕಾರವು ನೌಕರರ ಕೆಲಸದ ಪುನರ್ ವಿಮರ್ಶೆ ಮಾಡಲಿಕ್ಕೆ ಕಮಿಟಿ ಮಾಡಲಿದೆ ಎಂದು ತಿಳಿದು ಬಂದಿದೆ. ಇದು ನೌಕರರ ವಿರೋಧಿ ಧೋರಣೆಯಾಗಿದ್ದು , ಸರ್ಕಾರವು ಈಗಾಗಲೇ ಸಂಖ್ಯೆ: ಗ್ರಾ.ಪಂ. 392 ಗ್ರಾ.ಪಂಕ2012 ದಿ 04-01-2012 ರಲ್ಲಿ ನೌಕರರ ಕೆಲಸ ಹಂಚಿಕೆ ಮಾಡಿ ಆದೇಶ ಹೊರಡಿಸಿದೆ. ಆದ್ದರಿಂದ ಕೆಲಸದ ಪುನರ್ವಿಮರ್ಶೆಯ ಕಮಿಟಿಯನ್ನು ರದ್ದು ಮಾಡಬೇಕೆಂದು ಆಗ್ರಹಿಸಿದೆ.

ಈ ಸಂದರ್ಭದಲ್ಲಿ ತಾಲೂಕ ಅಧ್ಯಕ್ಷರಾದ ಬಸವರಾಜ್ ದೊರೆ ಗೌಡರೇರಾ , ತಾಲೂಕ ಖಜಾಂಚಿಯಾದ ಮರೆಪ್ಪ ಬಾಡಿಯಾಳ , ಜಿಲ್ಲಾ ಪ್ರಧಾನ ಕಾರ್ಯದರ್ಶಿಗಳಾದ ಗಾಲಿಸಾಬ್ ಎಂ.ಬೆಳಗೇರಾ , ಗ್ರಾ.ಪಂ.ನೌಕರರ ಮುಖಂಡರಾದ ಮಲ್ಲಿಕಾರ್ಜುನ ಬಳಿಚಕ್ರ , ಮಹಾದೇವಪ್ಪ ಯಂಪಾಡ , ಗುಂಡಪ್ಪ ಮುಂತಾದವರು ಇದ್ದರು.

ವರದಿ: ಬೀರಲಿಂಗಪ್ಪ. ಕಿಲ್ಲನಕೇರಾ