ಚಿಕ್ಕಬಳ್ಳಾಪುರ: ತಮ್ಮ ಗ್ರಾಮದಲ್ಲಿ ಪದೇ ಪದೇ ಕುರಿ, ಮೇಕೆಗಳು ಸಾವನ್ನಪ್ಪುತ್ತಿವೆ. ಕುರಿಗಳ ಈ ಸರಣಿ ಸಾವಿಗೆ ಗ್ರಾಮದೇವತೆಯಾದರೂ ನೆರವಿಗೆ ಬರಲಿ ಎಂಬ ಕಾರಣ ಗ್ರಾಮಸ್ಥರು ಸತ್ತ ಕುರಿ,ಮೇಕೆಗಳನ್ನು ಮರಕ್ಕೆ ನೇತು ಹಾಕಿ ದೇವರ ಮೊರೆ ಹೋಗುತ್ತಿರುವ ಘಟನೆಗಳು ಚಿಕ್ಕಬಳ್ಳಾಪುರ ಜಿಲ್ಲೆಯ ಬಾಗೇಪಲ್ಲಿ ತಾಲೂಕಿನ ಮಾಡಪ್ಪಲ್ಲಿ ,ಹೊನ್ನಂಪಲ್ಲಿ ,ಕೊತ್ತಕೋಟೆ ಮುಂತಾದ ಗ್ರಾಮಗಳಲ್ಲಿ ನಡೆಯುತ್ತಿವೆ.

ಅಂದಹಾಗೆ ತಾಲೂಕಿನ ಕುಗ್ರಾಮಗಳಲ್ಲಿ ಬಹುತೇಕರು ಕೃಷಿಯ ಜೊತೆಗೆ ಕುರಿ,ಮೇಕೆ ಸಾಕಾಣಿಕೆಯೇ ಮೂಲ ಕಸುಬಾಗಿಸಿಕೊಂಡಿದ್ದಾರೆ.

ಕುರಿ-ಮೇಕೆ ಗಳ ಸಾಕಾಣಿಕೆ ಮೂಲಕ ಬದುಕು ಕಟ್ಟಿಕೊಂಡಿದ್ದು. ಪ್ರತಿ ಗ್ರಾಮದಲ್ಲೂ ೧೦೦೦ ಕ್ಕೂ ಹೆಚ್ಚು ಕುರಿ ಮೇಕೆಗಳಿವೆ. ಆದ್ರೆ ಇತ್ತೀಚೆಗೆ ಕುರಿ ಹಾಗೂ ಮೇಕೆಗಳ ಸರಣಿ ಸಾವು ಸಂಭವಿಸುತ್ತಿದೆ. ಹೀಗಾಗಿ ಸರಣಿ ಸಾವಿಗೆ ಬೆದರಿದ ಗ್ರಾಮಸ್ಥರು ಸತ್ತ ಕುರಿ ಅಥವಾ ಮೇಕೆಯೊಂದನ್ನ ಗ್ರಾಮ ಹೊರವಲಯದ ಮರವೊಂದಕ್ಕೆ ನೇತು ಹಾಕಿದ್ದಾರೆ. ಹೀಗೆ ಮರಕ್ಕೆ ಸತ್ತ ‌ಕುರಿಗಳನ್ನ ನೇತು ಹಾಕಿದ್ರೆ ಗ್ರಾಮದೇವತೆ ಆ‌ ಸತ್ತ ಕುರಿಯನ್ನ ಅವಾಹನೆ ಮಾಡಿಕೊಂಡು ಗ್ರಾಮದಲ್ಲಿನ ಬೇರ್ಯಾವ ಕುರಿಗಳನ್ನ ಬಲಿ ಪಡೆಯುವುದಿಲ್ಲ ಅನ್ನೋದು ಮುಗ್ಧ ಗ್ರಾಮಸ್ತರ ಮೂಢನಂಬಿಕೆ.

ಆದ್ರೆ ನಮ್ಮ ಗ್ರಾಮೀಣ ಕುರಿಗಾಹಿಗಳು ಬಹಳ ಮುಗ್ದ ಜನರಾಗಿದ್ದು….ಕುರಿ ಸಾಕಾಣಿಕೆ ಮೂಲಕವೇ ಬದುಕು ಕಟ್ಟಿಕೊಂಡಿದ್ದಾರೆ. ಮಳೆ ಇಲ್ಲದೆ ಬೆಟ್ಟ ಗುಡ್ಡದ ಪಕ್ಕದಲ್ಲೇ ಇರೋ ಕುಗ್ರಾಮದಲ್ಲಿ ಬರಗಾಲದ ನಡುವೆ ಜನರಿಗೆ ಈ ಕುರಿ ಸಾಕಾಣಿಕೆಯೇ ಬದುಕಿಗೆ ಮೂಲ ಆದಾಯ. ಆದ್ರೆ ಕೆಲವು ಬೇರೆ ಅನಾರೋಗ್ಯ ಸೇರಿದಂತೆ ವಿಶೇಷವಾಗಿ ಚಳಿಗಾಲದಲ್ಲಿ ವಿಪರೀತ ಚಳಿಗೆ ಹಾಗೂ ಸಾಂಕ್ರಾಮಿಕ ಖಾಯಿಲೆಗಳಿಂದ ಕುರಿ ಗಳ ಸರಣಿ ಸಾವನ್ನಪ್ಪುತ್ತಿರುತ್ತವೆ. ಹೀಗೆ ಕುರಿಗಳು ಸತ್ತಾಗ ಅದನ್ನ ಬಿಸಾಡಿ ಸುಮ್ಮನಾಗುತ್ತಾರೆ..ಇನ್ನೂ ಕೆಲವರು ಸಾಯೋ ಲಕ್ಷಣ ಕಂಡು ಬರುತ್ತಿದ್ದಂತೆ ಮಾರಾಟ ಮಾಡಿಬಿಡುತ್ತಾರೆ. ಕೆಲವರು ಸತ್ತಾಗ ಈ ರೀತಿ ಮರಕ್ಕೆ ನೇತು ಹಾಕಿ ವಿಚಿತ್ರ ಆಚರಣೆ ಮಾಡ್ತಾರೆ. ನಮ್ಮ ಗ್ರಾಮದ ಜನ ಮುಗ್ಧರಾಗಿದ್ದು, ಗ್ರಾಮಸ್ಥರಿಗೆ ಈ ಮೂಢನಂಬಿಕೆ ಹಾಗೂ ಮೌಢ್ಯಾಚರಣೆ ಬಗ್ಗೆ ಅರಿವು ಮೂಡಿಸುವ ಅಗತ್ಯವಿದೆ ಅಂತ ಪ್ರಜ್ಞಾವಂತರ ಅಭಿಪ್ರಾಯಪಟ್ಟಿದ್ದಾರೆ.

ಇನ್ನೂ ಸಾಂಕ್ರಾಮಿಕ ರೋಗಗಳು ಸುತ್ತಲಿನ ಬೆಟ್ಟಗುಡ್ಡಗಳಲ್ಲಿನ ಕಲ್ಲುಗಣಿಗಾರಿಕೆಯಿಂದಾಗಿ ಸ್ಪೋಟಕಗಳ ರಾಸಾಯನಿಕ ವಿಷ ಗಾಳಿ, ವಿಪರೀತ ದೂಳು, ಮೇವಿನ ಕೊರತೆ, ಅಶುದ್ದ ನೀರಿನ ಸೇವನೆಗಳಿಂದ ಹರಡಿದಾಗ ಈ ರೀತಿಯ ಸರಣಿ ಸಾವು ಸಂಭವಿಸುತ್ತವೆ.ಹೀಗಾಗಿ ಸಾಂಕ್ರಾಮಿಕ ರೋಗಗಳನ್ನ ತಡೆಯಬೇಕಾದರೆ ವೈಜ್ಞಾನಿಕ ವಾಗಿ ಸತ್ತ ಕುರಿ ಆಗಲೀ ಯಾವುದೇ ಪ್ರಾಣಿಗಳನ್ನ ಹಾಗೆ ಬಿಸಾಡಬಾರದು.ಈ ರೀತಿ ಗಾಳಿಗೆ ಬಿಟ್ಟು ಮರಕ್ಕೆ ನೇತು ಹಾಕಬಾರದು. ಹೀಗೆ ಮಾಡಿದ್ರೆ ಸಾಂಕ್ರಾಮಿಕ ರೋಗಗಳು ಮತ್ತಷ್ಟು ಹರಡುವ ಸಾಧ್ಯತೆಯೇ ಹೆಚ್ಚು. ಹೀಗಾಗಿ ಸತ್ತ ಪ್ರಾಣಿಗಳ ದೇಹವನ್ನು ಮಣ್ಣಿನಲ್ಲಿ ಮುಚ್ಚಿದರೆ ಸಾಂಕ್ರಾಮಿಕ ರೋಗಗಳನ್ಮ‌ ತಡೆಯಬಹದಾಗಿದ್ದು ಅರಿವಿನ ಅಗತ್ಯವಿದೆ. ಹೀಗಾಗಿ ಸಂಬಂಧಪಟ್ಟ ಸ್ಥಳೀಯ ಪಶು ವೈದ್ಯರು ಗ್ರಾಮಕ್ಕೆ ತೆರಳಿ ಗ್ರಾಮಸ್ಥರಿಗೆ ಅರಿವು ಮೂಡಿಸುವ ಕಾಯಕ ಮಾಡಬೇಕಿದೆ. ಗಣಿಗಾರಿಕೆಯಂತಹ ಚಟುವಟಿಕೆಗಳನ್ನು ತಡೆಯಬೇಕಾಗಿದೆ ಎಂದು ಐವಾರಪಲ್ಲಿ ಹರೀಶ್ ರವರು ಅಭಿಪ್ರಾಯ ವ್ಯಕ್ತ ಪಡಿಸಿದರು.
ವರದಿ: ನರಸಿಂಹಮೂರ್ತಿ ಎಂ.ಎಲ್. ಮಾಡಪ್ಪಲ್ಲಿ.