ಮಸ್ಕಿ.ಜ.19. ರಾಯಚೂರು ಜಿಲ್ಲೆಯ ಮಸ್ಕಿ ತಾಲೂಕಿನ ೫ಎ ರೈತರ ಹೋರಾಟಕ್ಕೆ ಬಲ ತುಂಬುವ ನಿಟ್ಟಿನಲ್ಲಿ ಭೇಟಿ ನೀಡಿದ ಮಾಜಿ ಸಚಿವ ಹನುಮಂತಪ್ಪ ಆಲ್ಕೊಡ, ರೈತರಿಗೆ ಆತ್ಮ ವಿಶ್ವಾಸ ತುಂಬಿ ನಿಮ್ಮ ಹೋರಾಟ ನಿರಂತರವಾಗಿ ಇರಲಿ ,ನೀರು ಬರುವವರೆಗೂ ಧರಣಿ ಸ್ಥಳ ದಿಂದ ಕಾಲ್ಕಿತ್ತ ದಂತೆ, ಯಾರ್ ಏನೆ ಆಸೆ ಆಮಿಷ ತೋರಿಸಿದರು ಅದಕ್ಕೆ ಜಗ್ಗದೆ ಕುಗ್ಗದೆ ಎಲ್ಲಾ ರೈತರು ಒಗ್ಗಟ್ಟಾಗಿ ಹೋರಾಟ ಮುಂದುವರಿಸಿ ನಾವು ನಿಮ್ಮೊಂದಿಗೆ ಸದಾ ಇರುತ್ತೇನೆ ಎಂದು ವಿಶ್ವಾಸ ಮಾತುಗಳನ್ನು ಆಡಿ ರೈತರನ್ನು ಹುರಿದುಂಬಿಸಿದರು.

ನಿರಂತರವಾಗಿ ಕಳೆದ ಎರಡು ತಿಂಗಳಿನಿಂದ ಧರಣಿ ನಡೆಯುತ್ತಿದ್ದರೂ ನಮ್ಮ ಭಾಗದ ಜನಪ್ರತಿನಿಧಿಗಳು ಇಚ್ಛಶಕ್ತಿ ಕೊರತೆ ಇದೆ. ಅದಕ್ಕಾಗಿ ನಮ್ಮ ಜಿಲ್ಲಾ ಆಡಳಿತ ಅಂಗವೈಯ್ಕ ಅನುಭವಿಸುತ್ತಿದೆ, ಅದಕ್ಕಾಗಿ ನಮ್ಮ ಭಾಗದ ಪ್ರಗತಿ ಕುಂಠಿತ ಆಗಿದೆ. ಅದಕ್ಕಾಗಿ ಶುರಣ ಕೈಯಲ್ಲಿನ ಖತ್ತಿ ಹರಿತವಾದಷ್ಟು ನಿಮ್ಮ ಮತಗಳಿಗೆ ಆಶಕ್ತಿ ಹೊಂದಿದೆ. ಅದಕ್ಕಾಗಿ ರೈತರು ನೀವು ಮತ ಹಾಕುವ ಮುನ್ನ ಯೋಚಿಸಿ ನಿರ್ಧರಿಸಿ ಮತ ಹಾಕುವ ಕೆಲಸ ನಿಮ್ಮಿಂದಾಗಬೇಕು ಎಂದು ಹೇಳಿದರು.

ಇಂದಿನ ದಿನಮಾನಗಳಲ್ಲಿ ರಾಜಕೀಯ ತುಂಬಾ ದುಸ್ಥಿತಿಗೆ ಬಂದು ತಲುಪಿದೆ. ಅದಕ್ಕೆ ಕಾರಣ ಒಂದು ಆಯಾಮದಲ್ಲಿ ನೋಡಿದರೆ ಮತದಾರರೇ ಕಾರಣೀಭೂತರು, ನೀವು ಹಣ ಪಡೆದು ಮತ ಹಾಕುವ ಚಾಳಿ ಬಿಡುವವರೆಗು ನಿಮ್ಮಿಂದ ಆಯ್ಕೆಯಾದ ಜನಪ್ರತಿನಿಧಿಗಳು ಹಣ ಲೂಟಿ ಮಾಡುವದನ್ನು ಬಿಡುವುದಿಲ್ಲ ಕಾರಣ ಅವರು ನಿಮಾಕೆ ನಾಲ್ಕಾಣೆ ಕೊಟ್ಟು ಎರಡು ಸಾವಿರದಷ್ಟು ಹೊಡೆಯುತ್ತಾರೆ ಅದಕ್ಕಾಗಿ ನೀವು ಮತಬಾಂದವರು ಎಚ್ಚರವಹಿಸಿ ಹಣ ಮುಕ್ತ ಚುನಾವಣೆ ಮಾಡಿ ಆಗ ಸಂವಿಧಾನ ಕ್ಕೇ ಒಂದು ಅರ್ಥ ಇರುತ್ತದೆ ಎಂದು ಹೇಳಿದರು.

ಅವರ ಪ್ರತಿ ಮಾತುಗಳು ರೈತರಿಗೆ ಸ್ಪೂರ್ತಿ ದಾಯಕವಾಗಿದ್ದು, ಇನ್ನಷ್ಟು ಬಲವಾಗಿ ಹೋರಾಟ ಮಾಡಲು ಅನುವು ಮಾಡುವಂತೆ ಇದ್ದು ಇದರಿಂದ ರೈತ ಹೋರಾಟಗಾರರ ವಿಶ್ವಾಸ ಇಮ್ಮಡಿಗೊಳಿಸಿದೆ. ಸಾವಿರಾರು ಸಂಖ್ಯೆಯ ರೈತರು ಜಯಘೋಷ ಹಾಕಿ ಪಕ್ಕಾ ಹಳ್ಳಿ ಸೊಗಡಿನ ಶೈಲಿಯಲ್ಲಿ ಭಾಷಣ ಮಾಡಿ ರೈತರ ಮನಗೆದ್ದರು.

ಈ ಸಂದರ್ಭದಲ್ಲಿ ಶ್ರೀ ಬಸವ ಪ್ರಸಾದ ಸ್ವಾಮಿಗಳು ಶಿವಶಕ್ತಿ ಪೀಠ ಇರಕಲ್ ಮಠ, ಆನಂದಗಲ್‌ನ ಶ್ರೀ ಗುಂಡಪ್ಪ ಅಜ್ಜ, ಹೋರಾಟ ಸಮಿತಿಯ ಗೌರವ ಅಧ್ಯಕ್ಷ ತಿಮ್ಮನ ಗೌಡ ಚಿಲ್ಕ್ ರಾಗಿ, ಅಧ್ಯಕ್ಷ ಬಸವರಾಜಪ್ಪ ಗೌಡ ಹಾರ್ವಾಪುರ, ಹಾಗೂ ಅನೇಕ ಹೋರಾಟಗಾರರು ಭಾಗವಹಿಸಿದರು.

ವರದಿ: ದುರ್ಗೇಶ್ ಬೋವಿ ಮಸ್ಕಿ