ಶಿಡ್ಲಘಟ್ಟ : ಅತೀ ವೇಗದಿಂದ ಬಂದ ಕ್ಯಾಂಟರ್ ಚಾಲಕನ ನಿಯಂತ್ರಣ ತಪ್ಪಿ, ರಸ್ತೆ ಬದಿಯಲ್ಲಿದ್ದ ದೇಗುಲಕ್ಕೆ ಕ್ಯಾಂಟರ್ ನುಗ್ಗಿದ ಪರಿಣಾಮವಾಗಿ ಕ್ಲೀನರ್ ಸ್ಥಳದಲ್ಲೇ ಸಾವನ್ನಪ್ಪಿದ್ದು, ದೇವಸ್ಥಾನ ದ್ವಂಸ್ವವಾದ ಘಟನೆ ಚಿಕ್ಕಬಳ್ಳಾಪುರ ಜಿಲ್ಲೆಯ ಶಿಡ್ಲಘಟ್ಟ ತಾಲ್ಲೂಕಿನ ಜಂಗಮಕೋಟೆ ಸಮೀಪದ ಬದಾನಿ ಕೆರೆಯ ಕಟ್ಟೆ ಮೇಲೆ ನಡೆದಿದೆ.

ಕೋಲಾರದ ಎಪಿಎಂಸಿ ಮಾರುಕಟ್ಟೆಯಲ್ಲಿ ಟೊಮೊಟೊ ಲೋಡ್ ಇಳಿಸಿ ವಾಪಸ್ಸು ತೆರಳುವ ವೇಳೆಯಲ್ಲಿ ಅತೀವೇಗದಿಂದ ಬಂದ ಕ್ಯಾಂಟರ್ ರಸ್ತೆ ಬದಿಯಲ್ಲಿದ್ದ ಶ್ರೀ ದುಗ್ಗಲಮ್ಮ ದೇವಾಲಯಕ್ಕೆ ನುಗ್ಗಿದೆ. ಪರಿಣಾಮ ಕ್ಯಾಂಟರ್ ಕ್ಲೀನರ್ ಸ್ಥಳದಲ್ಲೇ ಮೃತಪಟ್ಟಿದ್ದು ಕ್ಲೀನರ್ ದೇಹವನ್ನು ಜೆಸಿಬಿ ಮೂಲಕ ಹೊರತೆಗೆದಿದ್ದಾರೆ.

ತುಮಕೂರು ಜಿಲ್ಲೆಯ ಪಾವಗಡ ತಾಲೂಕಿನ ದೊಡ್ಡಹಳ್ಳಿ ಗ್ರಾಮದ ಅನಿಲ್ ಕುಮಾರ್ ಸ್ಥಳದಲ್ಲೇ ಮೃತಪಟ್ಟಿದ್ದು ಚಾಲಕ ಯಲ್ಲಪ್ಪ ಪ್ರಾಣಾಪಯದಿಂದ ಪಾರಾಗಿದ್ದಾನೆ. ಘಟನಾ ಸ್ಥಳಕ್ಕೆ ಶಿಡ್ಲಘಟ್ಟ ಗ್ರಾಮಾಂತರ ಠಾಣೆಯ ಪೋಲಿಸರು ಭೇಟಿ ನೀಡಿ ಪರಿಶೀಲಿಸಿ ನಡೆಸಿದ್ದಾರೆ.

ವರದಿ.ಕೆ.ಮಂಜುನಾಥ್.ಶಿಡ್ಲಘಟ್ಟ

ತಾಳಿಕೋಟೆ : ಪದವಿ ಪೂರ್ವ ಶಿಕ್ಷಣ ಇಲಾಖೆ ವಿಜಯಪುರ ಹಾಗೂ ಎಸ್.ಕೆ.ಪದವಿ ಪೂರ್ವ ಕಾಲೇಜುಗಳ ಕ್ರೀಡಾ ಉದ್ಘಾಟನೆ ಸಮಾರಂಭಕ್ಕೆ ಪರಮ ಪೂಜ್ಯ ಶ್ರೀ ಸಿದ್ದಲಿಂಗ ದೇವರು ರೀಬನ್ ಕಟ್ ಮಾಡುವುದರ ಮೂಲಕ ಚಾಲನೆ ನೀಡಿದರು ಹಾಗೂ ವಿ.ವಿ.ಸಂಘದ ಚ್ಯಾರ್ ಮೆನ್ ಎಲ್ಲಾ ಭಾಗಿಯಾಗಿದ್ದರು

ತಾಳಿಕೋಟೆ ತಾಲೂಕು ಮಟ್ಟದ ಕ್ರೀಡಾ ನೇತೃತ್ವನ್ನು ವಹಿಕೊಂಡಿರುವ ಡಿ.ಬಿ.ಮೂಗಡ್ಲಿಮಠ ದಹಿಕ ಶಿಕ್ಷಕರು ತಾಳಿಕೋಟೆ , ಮತ್ತು ಕ್ರೀಡಾ ಅಭಿಮಾನಿ ಭಾಗಿಯಾಗಿದ್ದರು.

ಮತ್ತು ಈ ಸಂದರ್ಭದಲ್ಲಿ ಮಾತನಾಡಿದ ಆರ್.ಎಲ್.ಕೊಪ್ಪದ ಹಾಗೂ ಎ.ಜೀ.ದಖನಿ, ವಿ.ಎಮ್.ಪಾಟೀಲ, ದಹಿಕ ವಿಭಾಗದ ಶಿಕ್ಷಕರು ಕ್ರೀಡಾ ಪಟುಗಳಿಗೆ ಕ್ರೀಡೆಯ ಕುರಿತು ಮತ್ತು ಆಟದಲ್ಲಿ ಯಾವುದೇ ಜಗಳ ಮಾಡಿದರೆ ಅಂತ ಗುಂಪನ್ನು ಹೊರಹಾಕಲಾಗುವುದು ಎಂದು ಸೂಚನೆ ನೀಡಿದರು.
ವರದಿ : ದೇವು ಕೂಚಬಾಳ

ಮಸ್ಕಿ : – ಎನ್ ಆರ್ ಬಿ ಸಿ 5ಏ ಕಾಲುವೆ ಜಾರಿಗೊಳಿಸುವಂತೆ ಒತ್ತಾಯಿಸಿ ಟಿ ಯು ಸಿ ಐ, ಮತ್ತು ಕರ್ನಾಟಕ ರೈತ ಸಂಘಟನೆಗಳು ನೇತ್ರತ್ವದಲ್ಲಿ ಪಾಮನಕಲ್ಲೂರು ಹಟ್ಟಿ ರಸ್ತೆಯಲ್ಲಿ ರಸ್ತೆ ತಡೆ ಚಳವಳಿ ನಡೆಸಿದರು.

ಪ್ರತಿಭಟನೆಯನ್ನು ಉದ್ದೇಶಿಸಿ ಮಾತನಾಡಿದ ಆರ್ ಮಾನಸಯ್ಯ ಮಾತನಾಡಿ ಎನ್ ಆರ್ ಬಿ ಸಿ 5ಏ ಕಾಲುವೆ ಯೋಜನೆ ಜಾರಿಗೊಳಿಸಿ ಎಂಬುದು ಈ ಭಾಗದ ಜನತೆಯ ಒಂದುವರೆ ದಶಕದ ಬಹುಮುಖ್ಯ ಹಕ್ಕಾಗಿದೆ, ಇದುವರೆಗಿನ ಎಲ್ಲಾ ಸರ್ಕಾರಗಳು ಮತ್ತು ಭಾಗದ ಎಲ್ಲ ಜನಪ್ರತಿನಿಧಿಗಳು ಈ ನೆಲದ ರೈತರ ಈ ಬೇಡಿಕೆಗೆ ಯಾವ ಸ್ಪಂದನೆಯನ್ನು ನೀಡದೆ, ಬರಿ ನಿರ್ಲಕ್ಷವೇ ಉತ್ತರ ವಾಗಿದ್ದು ಇದು ಬೇಸರದ ಸಂಗತಿಯಾಗಿದೆ 5 ಎ ನಾಲಾ ಯೋಜನೆ ಜಾರಿಗೊಳಿಸಲು ಒತ್ತಾಯಿಸಿ ಈ ಭಾಗದ ರೈತರು ಆರಂಭಿಸಿರುವ ಅನಿರ್ದಿಷ್ಟ ಅವಧಿ ಹೋರಾಟ 100ನೇ ದಿನ ಪೂರೈಸಿದೆ, ಆದರೂ ಸರ್ಕಾರದ ಸೂಕ್ತ ಸ್ಪಂದನೆ ದೊರೆಯದೆ ಹೋಗಿದೆ ಸರ್ಕಾರ ರೈತ ವಿರೋಧಿ ನಡೆ ತೀವ್ರ ಖಂಡನೀಯವಾಗಿದೆ ಎಂದರು.

ಮಸ್ಕಿ , ಮಾನ್ವಿ, ಲಿಂಗಸಗೂರು , ದೇವದುರ್ಗ ಎಲ್ಲ ತಾಲೂಕುಗಳ 107 ಗ್ರಾಮಗಳು 1, 77, 912. ಎಕ್ಕರೆ ಪ್ರದೇಶಕ್ಕೆ ನೀರಾವರಿ ಒದಗಿಸುವ ಮಹತ್ವದ ಯೋಜನೆ ಇದಾಗಿದೆ , ರಾಜಕೀಯ ಷಡ್ಯಂತರ ದಿಂದ ರೈತರ ಬದುಕನ್ನು ಮತ್ತಷ್ಟು ದುಸ್ತರ ಗೊಳಿಸಲು ಯಾರು ಮುಂದಾಗಬಾರದು ಆಗಿದೆ .

ನೀರಾವರಿ ವಂಚಿತ ಈ ಗ್ರಾಮಗಳು ಜನತೆ ಮಹಾನಗರಗಳಿಗೆ ಗುಳ್ಳೆ ಹೋಗುವ ಅನಿವಾರ್ಯ ಪರಿಸ್ಥಿತಿಗೆ ಅನುಗುಣವಾಗಿದೆ. ಈ ಪರಿಸ್ಥಿತಿಯನ್ನು ನೋಡಿ ಪರಿಗಣಿಸಿ ಯೋಜನೆ ಜಾರಿಗೆ ಮುಂದಾಗಬೇಕೆಂದು ಒತ್ತಾಯಿಸಿದರು, ಮಳೆಯಾಶ್ರಿತ ರಾಯಚೂರು ಕೊಪ್ಪಳ ಜಿಲ್ಲೆಯ ರೈತರು ಲಕ್ಷಾಂತರ ಎಕರೆ ಭೂಮಿ ನೀರು ಒದಗಿಸುವ ಮಹತ್ವದ ಯೋಜನೆ ಎನ್ ಆರ್ ಬಿ ಸಿ 5ಏ ಕಾಲುವೆ ಯಾಗಿದ್ದು ನೀರಾವರಿ ನಿರೀಕ್ಷೆಯಲ್ಲಿರುವ ರೈತರ ಬದುಕಿಗೆ ಪ್ರಥಮ ಆದ್ಯತೆಯನ್ನು 2021 – 22ರ ಬಜೆಟ್ ನಲ್ಲಿ, ಅನುದಾನ ನೀಡಬೇಕೆಂದು ಒತ್ತಾಯಿಸಿದರು .

ಈ ಸಂದರ್ಭದಲ್ಲಿ ಆರ್ ಮಾನಸಯ್ಯ ,
ಸಂತೋಷ್ ದಿನ್ನಿ, ಮೋನಿಶ್ ದೊಡ್ಡಮನಿ, ತಿಪ್ಪರಾಜು ಶಾಂತಕುಮಾರ್, ಚಾಂದ್ ಸಾಬ್, ಮರಿಯಪ್ಪ, ಬಸವರಾಜ್, ಸುತ್ತಮುತ್ತಲಿನ ಗ್ರಾಮಗಳ ರೈತರು ಭಾಗವಹಿಸಿದ್ದರು.

ವರದಿ: ದುರ್ಗೇಶ್ ಭೋವಿ ಮಸ್ಕಿ