ಮಸ್ಕಿ :- ಕರ್ನಾಟಕದ ಜೀವನಾಡಿ “ಕರ್ನಾಟಕ ದರ್ಶನ” ಕನ್ನಡ ಮಾಸ ಪತ್ರಿಕೆ ವತಿಯಿಂದ ನೀಡಲಾಗುತ್ತಿರುವ “ಸಮಾನತೆಯ ಶ್ರೇಷ್ಠ ಭೂಷಣ” ರಾಷ್ತ್ರೀಯ ಪ್ರಶಸ್ತಿಗೆ ದಲಿತ ಯುವ ಹೋರಾಟಗಾರ ಹನುಮಂತಪ್ಪ ಹಂಪನಾಳ ಭಾಜನರಾಗಿದ್ದಾರೆ.

ಇವರು ದಲಿತಪರ ಸಂಘಟನೆಗಳಲ್ಲಿ ಗ್ರಾಮೀಣ ಬಾಗದ ದಲಿತರ ಅನುಭವಿಸುತ್ತಿರುವ ಅಸ್ಪೃಶ್ಯತೆ. ಮೇಲೂ – ಕೀಳು. ಸಾಮಜಿಕ ಬಹಿಸ್ಕಾರ ದಲಿತಪರವಾದ ಇನ್ನಿತರ ಮೂಲಭೂತ ಸೌಕರ್ಯಗಳ ಬಗ್ಗೆ ಅತಿ ಹೆಚ್ಚಿನ ಕಾಳಜಿ ವಹಿಸಿ ಉತ್ತಮ ಸಮಾಜ ಸೇವೆ ಮತ್ತು ಹೋರಾಟದ ಪ್ರಮುಖ ಪಾತ್ರ ವಹಿಸಿ ರಾಜ್ಯಮಟ್ಟದವರೆಗೂ ತಮ್ಮನ್ನು ದಲಿತ ಚಳುವಳಿಯಲ್ಲಿ ಗುರಿತಿಸಿಕೊಂಡದ್ದರು ಅದರ ಪ್ರಯುಕ್ತ ದಲಿತ ಚಳುವಳಿ ಮತ್ತು ಹೋರಾಟದ ಕ್ಷೆತ್ರದಲ್ಲಿ ಸಾಧನೆಗೈದ ಸಾಧಕರಿಗೆ ನೀಡಲಾಗುವ ರಾಷ್ತ್ರೀಯ ಪ್ರಶಸ್ತಿಗೆ ಕರ್ನಾಟಕ ರಾಜ್ಯ ದಲಿತ ಸಂಘರ್ಷ ಸಮಿತಿ (ರಿ)ಅಂಬೇಡ್ಕರ್ ಧ್ವನಿ ಚಂದ್ರಕಾತ್ ಕಾದ್ರೊಳ್ಳಿ ಸಂಘಟನೆಯ ರಾಜ್ಯ ಮಹಾ ಪ್ರಧಾನ ಕಾರ್ಯದರ್ಶಿಯಾಗಿರುವ ಹನುಮಂತಪ್ಪ ಹಂಪನಾಳ ಆಯ್ಕೆಯಾಗಿದ್ದಾರೆಂದು ಕರ್ನಾಟಕದ ಜೀವನಾಡಿ ಕರ್ನಾಟಕ ದರ್ಶನ ಕನ್ನಡ ಮಾಸ ಪತ್ರಿಕೆಯ ಸಂಪಾದಕ ರಾಗಿರುವ ಡಾ || ಎಸ್.ಎಸ್.ಪಾಟೀಲ್ ತಿಳಿಸಿದ್ದಾರೆ.

ಇವರು ಮೂಲತ ರಾಯಚೂರು ಜಿಲ್ಲೆಯ ಸಿಂಧನೂರು (ನೂತನ ಮಸ್ಕಿ) ತಾಲ್ಲೂಕಿನ ದೀನಸಮುದ್ರ ಗ್ರಾಮದವರಿದ್ದು ತೀರ ಕಡು ಬಡತನದಲ್ಲಿ ಹುಟ್ಟಿ ಬೆಳೆದವರು ಇವರು ತಮ್ಮ ಪ್ರಾಥಮಿಕ ಮತ್ತು ಪ್ರೌಢ ವಿದ್ಯಾಭ್ಯಾಸದ ಸಮಯದಲ್ಲಿಯೇ ದಲಿತ ಸಮುದಾಯದ ಗ್ರಾಮೀಣ ಬಾಗದಲ್ಲಿ ಹೀನಾಯವಾಗಿ ಅನುಭವಿಸುತ್ತಿರುವ ಅಸ್ಪೃಶ್ಯತೆ ಮತ್ತು ಸಾಮಾಜಿಕ ಬಹಿಸ್ಕಾರದಂತಹ ಹೀನಾಯ ಪದ್ದತಿಗಳನ್ನು ಪ್ರಶ್ನಿಸಿ ತಮ್ಮ ಬಾಲ್ಯದ ಶಿಕ್ಷಣದಲ್ಲಿಯೇ ಹೋರಾಟದ ಗುಣಗಳನ್ನು ಮೈಗೂಡಿಸಿಕೊಂಡು ದಲಿತ ಚಳುವಳಿ ಮತ್ತು ಹೋರಾಟದ ಬಗ್ಗೆ ಹೆಚ್ಚಿನ ಆಸಕ್ತಿ ಹೊಂದಿದ್ದರು.

ಕಿತ್ತು ತಿನ್ನುವ ಬಡತನ ಕೂಲಿ ನಾಲಿ ಮಾಡಿ ತಂದೆ ತಾಯಿಗಳ 10 ಜನ ಮಕ್ಕಳ ಪೈಕಿ 5ನೇ ಮಗನಾಗಿ ಹುಟ್ಟಿ ಮನೆಯಲ್ಲಿ ಬಡತನ ಆರ್ಥಿಕ ಪರಸ್ಥಿತಿ ಸರಿದೂಗದ ಕಾರಣ ಕ್ರೈಸ್ತ ಮಿಶನರಿಯ ಸಹಾಯದಿಂದ ಕಾಲೇಜ್ ಶಿಕ್ಷಣ ಪಡೆದುಕೊಂಡು ವಿದ್ಯಾಭ್ಯಾಸ ಅರ್ದಕ್ಕೆ ಮೊಟಕುಗೊಳಿಸಿ 2005 ರಲ್ಲಿ ದಲಿತ ಸಂಘಟನೆಗೆ ರಾಯಚೂರು ಜಿಲ್ಲೆಯ ಈಗಿನ ಮಸ್ಕಿ ತಾಲ್ಲೂಕಿನ ಗುಡದೂರು ಗ್ರಾಮ ಪಂಚಾಯತ್ ಘಟಕ ಅಧ್ಯಕ್ಷರಾಗಿ ಪಾದಾರ್ಪಣೆ ಮಾಡಿ ತಮ್ಮದೇ ಗ್ರಾಮದ ದುರಂತ ಸಾವುಕಂಡ ರಾಯಚೂರು, ಕೊಪ್ಪಳ. ಬಳ್ಳಾರಿ. ಜಿಲ್ಲೆಗಳಲ್ಲಿ ತನ್ನದೆ ಆದ ದಲಿತ ಚಳುವಳಿ ರೂಪಿಸಿದ ದಲಿತ ಕೋಗಿಲೆ ಅಂತಾನೆ ಹೆಸರು ಮಾಡಿದ್ದ ಬಿ. ಡೇವಿಡ್ ಅವರನ್ನು ರೂಲ್ ಮಾಡಲ್ ಆಗಿ ತೆಗೆದುಕೊಂಡು ಹನುಮಂತಪ್ಪ ಹಂಪನಾಳ ದಲಿತ ಚಳುವಳಿಗೆ ದುಮಕಿರುವ ಬಗ್ಗೆ ಮಾಹಿತಿ ಇದೆ.

ಹೀಗೆ ಶುರುವಾದ ಇವರ ದಲಿತಪರ ಹೋರಾಟ ಮೊಟ್ಟ ಮೊದಲಿಗೆ ಗ್ರಾಮೀಣ ಭಾಗದ ಅಸ್ಪೃಶ್ಯತೆ, ಸಾಮಾಜಿಕ ಬಹಿಸ್ಕಾರ. ಹೋಟೆಲ್ಗಳು ಸೇರಿದಂತೆ ಸಾರ್ವಜನಿಕ ಸ್ಥಳಗಳಲ್ಲಿ ದಲಿತರಿಗೆ ಪ್ರವೇಶ. ಗ್ರಾಮೀಣ ಭಾಗದ ದಲಿತರ ಮೂಲಭೂತ ಸಮಸ್ಯೆಗಳಾದ ಕುಡಿಯುವ ನೀರು. ರಸ್ತೆ. ಚರಂಡಿ. ಸೇರಿದಂತೆ ವಿವಿಧ ಮೂಲಭೂತ ಸೌಲಭ್ಯಗಳ ಸಲುವಾಗಿ ಹೋರಾಟಗಳನ್ನು ಬೇಡಿಕೆಗಳನ್ನು ಈಡೇರಿಸಿಕೊಂಡು ಗ್ರಾಮೀಣ ದಲಿತರ ಮನ ಗೆದ್ದರು.

ತದ ನಂತದಲ್ಲಿ ಅವರ ಪ್ರಾಮಾಣಿಕ ದಲಿತ ಹೋರಾಟಗಳನ್ನು ಮನಗಂಡು 2010 ರಲ್ಲಿ ರಾಯಚೂರು ಜಿಲ್ಲೆಯ ಸಿಂಧನೂರು ತಾಲ್ಲೂಕಿನ ಅಧ್ಯಕ್ಷರನ್ನಾಗಿ 2014 ರಲ್ಲಿ ರಾಯಚೂರು ಜಿಲ್ಲೆ ಗೌರವಾಧ್ಯಕ್ಷರಾಗಿ ಮತ್ತು 2016 ರಲ್ಲಿ ಹೈದ್ರಾಬಾದ್ ಕರ್ನಾಟಕ ಅಧ್ಯಕ್ಷರು ಹಾಗೂ 2019 ರಲ್ಲಿ ಕರ್ನಾಟಕ ರಾಜ್ಯ ದಲಿತ ಸಂಘರ್ಷ ಸಮಿತಿ (ರಿ) ಅಂಬೇಡ್ಕರ್ ಧ್ವನಿ ಚಂದ್ರಕಾಂತ್ ಕಾದ್ರೊಳ್ಳಿ ಸಂಘಟನೆಯ ರಾಜ್ಯ ಮಹಾ ಪ್ರಧಾನ ಕಾರ್ಯದರ್ಶಿಗಳಾಗಿ ಕೆಲಸ ಮಾಡುತ್ತಿದ್ದಾರೆ.

ಹೋರಾಟಗಳು: ಗ್ರಾಮೀಣ ಭಾಗದ ದಲಿತರ ಮೂಲಭೂತ ಸಮಸ್ಯೆಗಳ ಸಲುವಾಗಿ,
ದಲಿತ ಬಾಲಕಿಯರ ಮತ್ತು ದೇಶವನ್ನೇ ಬೆಚ್ಚಿ ಬೀಳಿಸಿದ ನಿರ್ಭಯ ಅತ್ಯಾಚಾರ ಪ್ರಕರಣದಂತಹ ಅನೇಕತರದ ಅತ್ಯಾಚಾರ ಪ್ರಕರಣಗಳನ್ನು ಖಂಡಿಸಿ ಹೋರಾಟ.
ರಾಯಚೂರು ಜಿಲ್ಲೆಯ ಸಿಂಧನೂರು ತಾಲ್ಲೂಕಿನ ಅಂಗನವಾಡಿ ಶಿಕ್ಷಕಿಯರ ಬೇಡಿಕೆಗಳನ್ನು ಈಡೇರಿಸಲು ಅನಿರ್ದಿಷ್ಠ ಧರಣಿ ಸತ್ಯಾಗ್ರಹ. ಮಾದಿಗ ಸಮಾಜದ ಒಳ ಮೀಸಲಾತಿ ಜಾರಿಗೆ ತರುವಂತೆ ಒತ್ತಾಯಿಸಿ ಬೆಳಗಾವಿ ಪ್ರಾದೇಶಿಕ ಆಯುಕ್ತರ ಕಚೇರಿ ಮುಂದೆ ಧರಣಿ.
ಕರ್ನಾಟಕದಾದ್ಯಂತ ಕಿಚ್ಚುಹಚ್ಚಿದ ಸಿ.ಎ.ಎ.& ಎನ್.ಆರ್.ಸಿ. ಮತ್ತು ಎನ್.ಪಿ.ಆರ್. ಹೋರಾಟದಲ್ಲಿ ಭಾಗಿ.
ಕರ್ನಾಟಕದ ನಮ್ಮ ಮಾದಿಗ ಸಮಾಜದ ಬಹುದಿನಗಳ ಬೇಡಿಕೆಯಾದ ಮಾದಿಗರ ಒಳ ಮೀಸಲಾತಿ ಸಲುವಾಗಿ ಕೂಡಲಸಂಗಮದಿಂದ ಬೆಂಗಳೂರಿಗೆ ಪಾದಯಾತ್ರೆ ಬೆಂಗಳೂರಿನ ಮತ್ತು ಫ್ರಿಡಂ ಪಾರ್ಕ್ ಹೋರಾಟ. ರಾಯಚೂರು ಜಿಲ್ಲೆಯ ಸಿಂಧನೂರು ತಾಲ್ಲೂಕಿನ ಎಲೆಕೂಡ್ಲಿಗಿ ಮತ್ತು ಬನ್ನಿಗನೂರು ಮತ್ತು ಕೊಪ್ಪಳ ಜಿಲ್ಲೆಯ ಕಾರಟಗಿ ತಾಲೂಕಿನ ನಂದಿಹಳ್ಳಿ ಗ್ರಾಮದಲ್ಲಿ ದಲಿತರ ಮೇಲಿನ ಹಲ್ಲೆ ಮತ್ತು ಸಾಮಾಜಿಕ ಬಹಿಸ್ಕಾರ ಹೋರಾಟದಲ್ಲಿ ಪ್ರಮುಖ ಪಾತ್ರ. ಕರ್ನಾಟಕದಾದ್ಯಂತಹ ವಿವಿಧ ಜಿಲ್ಲೆಗಳು ಮತ್ತು ತಾಲೂಕ ಮಟ್ಟದ ಹಾಗೂ ಗ್ರಾಮೀಣ ಮಟ್ಟದ ಹೋರಾಟದಲ್ಲಿ ಭಾಗಿ.

ಸೇವೆಗಳು : ಪ್ರತಿ ವರ್ಷ ನಮ್ಮ ರಾಜ್ಯ ಸಮಿತಿ ವಯಿಂದ ವಿವಿಧ ಜಿಲ್ಲೆಗಳಲ್ಲಿ ಬಡವರಿಗೆ ಉಚಿತ ಸಾಮೂಹಿಕ ವಿವಾಹಗಳು.
ಸರಕಾರದ ವಿವಿಧ ಆರೋಗ್ಯದ ಯೋಜನೆಯಡಿ ಆರೋಗ್ಯ ಸೇವೆ ಒದಗಿಸುವುದು.
ವಿಧವೆ ವೇತನ. ಸಂದ್ಯಾ ಸುರಕ್ಷಾ ವೇತನ. ರಾಷ್ತ್ರೀಯ ಭದ್ರತಾ ಯೋಜನೆ.
ಬಡ ವಿದ್ಯಾರ್ಥಿಗಳಿಗೆ ಉಚಿತವ ಶಿಕ್ಷಣ ಮತ್ತು ವಸತಿ ಸೇವೆಗಳು

ಹವ್ಯಾಸಗಳು : ಡಾ || ಬಾಬಾ ಸಾಹೇಬ್ ಅಂಬೇಡ್ಕರ್ ರವರ ಮತ್ತು ಕಾನೂನಿನ ಪುಸ್ತಕ. ದಿನ ಪತ್ರಿಕೆ. ವಾರ ಪತ್ರಿಕೆ. ಮಾಸ ಪತ್ರಿಕೆ ಓದುವುದು.
ಕವನಗಳು. ಕ್ರಾಂತಿ ಗೀತೆ ಹಾಡುವುದು ಮತ್ತು ಬರೆಯುವುದು.
ರಾಜಕೀಯ ದಲಿತ ಮತ್ತು ಸಮಾಜ ವಿರೋದಿ ನೀತಿಯ ವಿರುದ್ದದ ಬರವಣಿಗೆ.

ಹಾಗಾಗಿ ದಿನಾಂಕ 25/04/2021 ರಂದು ಭಾನುವಾರ ರಾಯಚೂರಿನ ಜಂಬಲ್ ದಿನ್ನಿ ರಂಗಮಂದಿರದಲ್ಲಿ ನಡೆಯುವ ರಾಷ್ಟ್ರೀಯ ಪ್ರಶಸ್ತಿಗಳ ಭವ್ಯ ಸಮಾರಂಭದಲ್ಲಿ ಶ್ರೀ ಹನುಮಂತಪ್ಪ ಹಂಪನಾಳ ಇವರಿಗೆ ಸಮಾನತೆಯ ಶ್ರೇಷ್ಠ ಭೂಷಣ ರಾಷ್ಟ್ರೀಯ ಪ್ರಶಸ್ತಿಯನ್ನ ನಾಡಿನ ಶರಣರ ಮತ್ತು ಪ್ರಜ್ಞಾವಂತ ಹಿರಿಯರ ಹಾಗೂ ರಾಜಕೀಯ ಗಣ್ಯರ ಸಮ್ಮುಖದಲ್ಲಿ ನೀಡಿ ಗೌರವಹಿಸಲಾಗುತ್ತದೆ.

ವರದಿ : ದುರ್ಗೇಶ್ ಭೋವಿ ಮಸ್ಕಿ