ತಾಳಿಕೋಟಿ : ಪಟ್ಟಣದ ಸಮುದಾಯ ಆರೋಗ್ಯ ಕೇಂದ್ರದಲ್ಲಿ ಇಂದು DS FOUNDATION ಅವರ ವತಿಯಿಂದ ತಾಳಿಕೋಟಿ ಮತ್ತು ಕೊಣ್ಣೂರ ಆರೋಗ್ಯ ಕೇಂದ್ರಗಳಿಗೆ ತಲಾ ಒಂದರಂತೆ ಎರಡು ಆಕ್ಸಿಜನ್ ಕಾನಸಂಟ್ರೆಟರಗಳನ್ನು ವಿತರಣೆ ಮಾಡಿದರು.

ಮಾಜಿ ಶಾಸಕ ಸಿ.ಎಸ್.ನಾಡಗೌಡ ಅವರು ಮಾತನಾಡಿ ಕೊರೋನಾ ಸಾಂಕ್ರಾಮಿಕ ರೋಗವು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದ್ದು ರೋಗಿಗಳಿಗೆ ಆಕ್ಸಿಜನ್ ತೊಂದರೆಯೂ ಎಲ್ಲೆಡೆ ಹೆಚ್ಚಾಗಿ ಕಂಡು ಬರುತ್ತಿದ್ದು ಕಾರಣ ಸಮುದಾಯ ಆರೋಗ್ಯ ಕೇಂದ್ರ ತಾಳಿಕೋಟಿ ಮತ್ತು ಕೊಣ್ಣೂರ ಆರೋಗ್ಯ ಕೇಂದ್ರಗಳಿಗೆ ಎರಡು ಆಕ್ಸಿಜನ್ ಕಾನಸಂಟ್ರೆಟರಗಳನ್ನು DS FOUNDATION ವತಿಯಿಂದ ನೀಡಿದ್ದೇವೆ.

ಈ ಆಕ್ಸಿಜನ್ ಕಾನಸಂಟ್ರೆಟರಗಳು ರೋಗಿಗಳಿಗೆ ಉಪಯೋಗ ವಾಗಬೇಕು ಹೊರತು ತೆಗೆದುಕೊಂಡು ಸುಮ್ಮನೆ ಇಡಬೇಡಿ ಎಂದು ವೈದ್ಯಾಧಿಕಾರಿಗಳಿಗೆ ತಿಳಿಸಿದರು.

ಈ ಎರಡು ಆಕ್ಸಿಜನ್ ಕಾನಸಂಟ್ರೆಟರಗಳ ಮೊತ್ತ ಎಷ್ಟು ರೂಪಾಯಿಗಳು ಇವೆ ಎಂಬುದು ಮುಖ್ಯವಲ್ಲ ಇದರಿಂದ ಎಷ್ಟು ಜನರ ಪ್ರಾಣ ಉಳಿಯುತ್ತದೆ ಎನ್ನುವುದು ಮುಖ್ಯ ನಾವು ನೀಡಿರುವ ಈ ಎರಡು ಆಕ್ಸಿಜನ್ ಕಾನಸಂಟ್ರೆಟರಗಳಿಂದ ಕನಿಷ್ಠ ಇಬ್ಬರಿಗಾದರು ಉಪಯೋಗವಾಗಿ ಅವರು ಕೊರೋನಾದಿಂದ ಗುಣಮುಖರಾಗಬೇಕು ಅಂದಾಗ ಮಾತ್ರ ನಾವು ನೀಡಿರುವುದಕ್ಕೂ ಒಳ್ಳೆಯದಾಗುತ್ತದೆ ಎಂದು ತಿಳಿಸಿದರು.

ಈ ಸಂದರ್ಭದಲ್ಲಿ ಮಾಜಿ ಶಾಸಕ ಸಿ.ಎಸ್.ನಾಡಗೌಡ, ತಾಳಿಕೋಟೆಯ ನಡೆದಾಡುವ ದೇವ ಸಿದ್ದಲಿಂಗ ದೇವರು, ಆಡಳಿತ ವೈದ್ಯಾಧಿಕಾರಿ ಡಾಕ್ಟರ್ ಶ್ರೀಶೈಲ ಹುಕ್ಕೇರಿ, ನಿವೃತ್ತ ವೃತ್ತ ನಿರೀಕ್ಷಕ ಎಸ್.ಬಿ. ಕಟ್ಟಿಮನಿ, ಸಂಗನಗೌಡ ಅಸ್ಕಿ ಮತ್ತು ಮುಂತಾದವರು ಉಪಸ್ಥಿತರಿದ್ದರು.
ವರದಿ : ದೇವು ಕುಚಬಾಳ

ಬೆಂಗಳೂರು : ರಾಜ್ಯದಾದ್ಯಂತ ಈ ಸಾಲಿನ ಮುಂಗಾರು ಪ್ರವಾಹ ಪರಿಸ್ಥಿತಿಯನ್ನು ಎದುರಿಸಲು ಕೈಗೊಳ್ಳಬೇಕಾದ ಪೂರ್ವ ಸಿದ್ಧತಾ ಕ್ರಮಗಳ ಕುರಿತು ಇಂದು ಆರ್. ಅಶೋಕ್ ರವರು ಜಿಲ್ಲಾಧಿಕಾರಿಗಳೊಂದಿಗೆ ವಿಡಿಯೋ ಸಂವಾದ ನಡೆಸಿದರು.

ಪ್ರವಾಹವನ್ನ ಎದುರಿಸಲು ಹೇಗೆಲ್ಲಾ ಸಿದ್ಧತೆಗಳಾಗಿದೆ ಎಂಬುದರ ಕುರಿತು ಮಾಹಿತಿ ಪಡೆಯಲಾಯಿತು. ರಕ್ಷಣಾ ಹಾಗೂ ಪರಿಹಾರ ಕಾರ್ಯಗಳ ಕುರಿತಂತೆ ಕೆಲ ಸೂಚನೆಗಳನ್ನ ನೀಡಲಾಗಿದೆ. ಅನಿರೀಕ್ಷಿತ ವಿಪತ್ತುಗಳನ್ನ ಎದುರಿಸಲು ಎಲ್ಲಾ ರೀತಿಯಲ್ಲಿಯೂ ತಯಾರಿ ಮಾಡಿಕೊಳ್ಳಲಾಗಿದೆ.

ಈ ಸಭೆಯಲ್ಲಿ ಕಂದಾಯ ಇಲಾಖೆಯ ಪ್ರಧಾನ ಕಾರ್ಯದರ್ಶಿ ಮಂಜುನಾಥ ಪ್ರಸಾದ್ ಸೇರಿದಂತೆ ಇತರ ಅಧಿಕಾರಿಗಳು ಉಪಸ್ಥಿತರಿದ್ದರು.

ಮಸ್ಕಿ :- ಪರಿಸರ ಶುಚಿಯಾಗಿ ಇದ್ದರೆ ಜಗತ್ತು ಆರೋಗ್ಯದಿಂದ ಉತ್ತಮವಾಗಿ ಇರುತ್ತದೆ ಇಲ್ಲದೆ ಹೋದರೆ ಆಯಾ ತಪ್ಪುತ್ತದೆ.

ಜೂನ್ 05 ನೇ ಎನ್ವಿರಾನ್ಮೆಂಟ್ ಡೇ ಪರಿಸರ ದಿನಾಚರಣೆ ಎಂದು ಆಚರಿಸುತ್ತೇವೆ.

ಇಂದಿನ ಕೊರೊನಾ ಸಂದರ್ಭದಲ್ಲಿ ಪರಿಸರದ ಮಹತ್ವತೆಯ ಕುರಿತು ನಮಗೆ ನಾವೇ ಜಾಗೃತರಾಗುವ ರೀತಿ ಪರಿಸರ ಕಿವಿ ಹಿಂಡಿದೆ ನಿಸರ್ಗದಲ್ಲಿ ಇರುವ ಅನೇಕ ಗಿಡಗಳು ಬಹಳಷ್ಟು ಮಹತ್ವವನ್ನು ಪಡೆದಿವೆ.

ವೇದಗಳ ಕಾಲದಲ್ಲಿ ಅಶ್ವಿನಿ ಮಾಸದ ಕೊನೆಯಲ್ಲಿ ನಿಸರ್ಗವನ್ನು ಪೂಜಿಸಿ ಪಶುಗಳನ್ನು ಪರಿಸರ ಮತ್ತು ಪಶುಗಳೆ ಆಸ್ತಿ ಎಂದು ಭಾವಿಸಿದ್ದರು.

ಅರಳಿ ಗಿಡ ಮಹಾನ್ ಗಿಡ ಸಾಕ್ಷಾತ್ ವಿಷ್ಣುವಿನ ವಾಸಸ್ಥಳ ಎಂದು , ಬೇವಿನ ಗಿಡ ದೇವಿಯ ವಾಸ ಎಂದು, ತುಳಸಿ ಗಿಡ ಲಕ್ಷ್ಮಿಯ ವಾಸ ಎಂದು ಪೂಜಿಸುತ್ತಿದ್ದರು.

ಇಂದಿನ ದಿನಗಳಲ್ಲಿ ಆ ಪುರಾತನ ಪರಂಪರೆಯೇ ವಿಶ್ವ ಪರಿಸರ ದಿನಾಚರಣೆ ಹಾಗಿದೆ.

ಈ ದಿನವನ್ನು ಭಾರತ್ ಸ್ಕೌಟ್ ಎಂಡ್ ಗೈಡ್ಸ್ ಮತ್ತು ಲಯನ್ಸ್ ಕ್ಲಬ್ ಆಶ್ರಯದಲ್ಲಿ ಸರಕಾರಿ ಆಸ್ಪತ್ರೆಯಲ್ಲಿ ಮಸ್ಕಿ ತಾಲೂಕ ದಂಡಾಧಿಕಾರಿ ಗಳು ಮತ್ತು ತಹಸೀಲ್ದಾರ್ ಬಲರಾಮ ಕಟ್ಟಿಮನಿ ಅವರ ನೇತೃತ್ವದಲ್ಲಿ ಸರಕಾರಿ ಆಸ್ಪತ್ರೆಯ ವೈದ್ಯರಾದ ಡಾಕ್ಟರ್ ಶ್ರೀ ಮಲ್ಲಿಕಾರ್ಜುನ್ ಇತ್ಲಿ ಹಾಗೂ ಸಾಹಿತಿಗಳಾದ ಮಹಾಂತೇಶ್ ಮಸ್ಕಿ ಭಾರತ್ ಸ್ಕೌಟ್ ಎಂಡ್ ಗೈಡ್ಸ್ ಸ್ಥಳೀಯ ಸಂಸ್ಥೆಯ ಜಿಲ್ಲಾ ಸಹಾಯಕ ಆಯುಕ್ತರು ಪಾರ್ಶ್ವನಾಥ ಕೋಲಾರ ಭಾರತ ಸ್ಕೌಟ್ ಎಂಡ್ ಗೈಡ್ಸ್ ಸ್ಥಳೀಯ ಸಂಸ್ಥೆ ಉಪಾಧ್ಯಕ್ಷರು , ಕಾರ್ಯದರ್ಶಿಗಳಾದ ಶಿವಪ್ಪ ಹಸಮಕಲ್ , ಮಸ್ಕಿ ಲಯನ್ಸ್ ಕ್ಲಬ್ ನ ಗಣ್ಯರಾದ ಡಾಕ್ಟರ್ ಬಿ. ಎಚ್. ದಿವಾಟರ್ ಹಾಗೂ ಉಪಸ್ಥಿತರಿದ್ದರು.