ಬಾಗೇಪಲ್ಲಿ: ಕೃಷಿ ಕಾಯ್ದೆಗಳ ತಿದ್ದುಪಡಿಗಳನ್ನು ವಿರೋಧಿಸಿ, ಹಿಂಪಡೆಯುವಂತೆ ಒತ್ತಾಯಿಸಿ ಕಳೆದ ಆರು ತಿಂಗಳುಗಳಿಂದ ದೆಹಲಿಯಲ್ಲಿ ರೈತರು ನಡೆಸುತ್ತಿರುವ ಹೋರಾಟವನ್ನು ಬೆಂಬಲಿಸಿ ಇಂದು ದೇಶವ್ಯಾಪಿ ಕರಾಳ ದಿನಾಚರಣೆ ಮಾಡಲಾಗುತ್ತಿದೆ. ಇದಕ್ಕೆ ತಾಲ್ಲೂಕು ಎಸ್ಎಫ್ಐ ಸಂಘಟನೆಯ ಸದಸ್ಯರು ಬೆಂಬಲ ನೀಡಿ ಮನೆಯಿಂದಲೇ ಪ್ರತಿಭಟನೆ ನಡೆಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಎಸ್ಎಫ್ಐ ತಾಲ್ಲೂಕು ಘಟಕದ ಅಧ್ಯಕ್ಷ ವಿ ಸತ್ತೀಶ್,
ಕೃಷಿ ಕಾಯ್ದೆಗಳ ರದ್ದತಿಗೆ ಆಗ್ರಹಿಸಿ ದೆಹಲಿ ಗಡಿಯಲ್ಲಿ ರೈತರು ನಡೆಸುತ್ತಿರುವ ಹೋರಾಟಕ್ಕೆ ಆರು ತಿಂಗಳು ತುಂಬಿದ್ದು, ಪ್ರಧಾನಿ ನರೇಂದ್ರ ಮೋದಿ ಸರ್ಕಾರದ ಜನ ವಿರೋಧಿ ಆಡಳಿತಕ್ಕೆ ಏಳು ವರ್ಷಗಳಾಗಿವೆ ಎಂದರು. ಹಾಗಾಗಿ ಮೇ 26ರಂದು ದೇಶದಾದ್ಯಂತ ಕರಾಳ ದಿನಾಚರಣೆಗೆ ಸಂಯುಕ್ತ ಕಿಸಾನ್ ಮೋರ್ಚಾ ಹಾಗೂ ಕೇಂದ್ರೀಯ ಕಾರ್ಮಿಕ ಸಂಘಟನೆಗಳ ಒಕ್ಕೂಟ ಜಂಟಿಯಾಗಿ ನಡೆಸುತ್ತಿವೆ ಎಂದರು. ಕೃಷಿ ಕಾಯ್ದೆಗಳನ್ನು ಹಿಂಪಡೆಯಬೇಕು. ಕೊರೋನಾ ಸಂಕಷ್ಟಕ್ಕೆ ಸಿಲುಕಿದ ಕಾರ್ಮಿಕರಿಗೆ, ಬಡವರಿಗೆ ಮಾಸಿಕ ₹10 ಸಾವಿರ ರೂಪಾಯಿಗಳು ಕೊಡಬೇಕೆಂದ ಒತ್ತಾಯಿಸಿದರು.

ಈ ಸಂಧರ್ಭದಲ್ಲಿ ಬಾಲಾಜಿ, ಶಿವಪ್ಪ, ಸರಸ್ವತಮ್ಮ, ಪುರುಷೋತ್ತಮ,ಶ್ರೀನಾಥ್ ,ರಂಜಿತ್, ನಾಗಪ್ಪ ಮತ್ತಿತರರು ಹಾಜರಿದ್ದರು.

ಮಸ್ಕಿ :- ದೇಶದಾದ್ಯಂತ ಕಾಡುತ್ತಿರುವ ಕೋವಿಡ-19 ಎರಡನೇ ಅಲೆಯ ಕಾರಣಕ್ಕಾಗಿ ಮಾಡಲಾಗಿರುವ ಲಾಕ್ ಡೌನ್ ನಿಂದ ಲಾರಿ ಮತ್ತು ಗೂಡ್ಸ್ ವಾಹನದ ಚಾಲಕರಿಗೆ ರಸ್ತೆಯ ಬದಿಯಲ್ಲಿ ಯಾವುದೇ ರೀತಿಯ ಅಂಗಡಿ ಮುಂಗಟ್ಟುಗಳು ತೆರೆಯದೇ ಇರುವುದರಿಂದ ಊಟ ಮತ್ತು ಉಪಹಾರ ಸಿಗದೆ ಪರದಾಡುವಂತಾಗಿದ್ದು ವಾಹನ ಚಾಲಕರ ಕಷ್ಟಕ್ಕೆ ಸಹಕರಿಸಲು ಮಸ್ಕಿ ತಾಲೂಕಿನ ಸಂತೆಕೆಲ್ಲೂರು ಗ್ರಾಮದ ವಿನಾಯಕ ಗೆಳೆಯರ ಬಳಗದ ವತಿಯಿಂದ ಹಾಗೂ ಯುವಕರಿಂದ ಲಾರಿ ಮತ್ತು ಗೂಡ್ಸ್ ವಾಹನದ ಚಾಲಕರಿಗೆ 2 ನೇ ದಿನದ ಊಟದ ಪ್ಯಾಕೇಟ್ ಗಳನ್ನು ಮತ್ತು ನೀರಿನ ಪ್ಯಾಕೆಟ್ ಗಳನ್ನು ನೀಡುತ್ತಿರುವುದು ಶ್ಲಾಘನೀಯ ಕಾರ್ಯವಾಗಿದೆ.

ಈ ಸಂದರ್ಭದಲ್ಲಿ ಡಾ॥ ನಾಗರಾಜ ಪಾಟೀಲ್,ವಿನೋದ್ ದೇಸಾಯಿ,ಮಂಜುನಾಥ್ ಪಾಟೀಲ್,ನೀಲಕಂಠ ಕೊಳ್ಳಿ (ಹಾಲ್ವಿ), ಅಮರಪ್ಪ ಪ್ಯಾಟ್ಯಾಳ, ಸಂಗನಗೌಡ,ಬಸವರಾಜ ಗದ್ದಗಿಮಠ,ಪ್ರಭು, ಸೋಮಶೇಖರ್, ನಾಗರಾಜ್ ಪ್ಯಾಟ್ಯಾಳ,ಮಲ್ಲಯ್ಯ, ಅಮರೇಶ್ ಹೂಗಾರ್, ಸಿದ್ದು ಪಾಟೀಲ್, ಮಲ್ಲು ಬಡಿಗೇರ ಅಮರೇಶ, ಕುಮಾರ, ನಾಗರಾಜ್ ಬಳಿಗಾರ್ ಮುತ್ತಣ್ಣ ಬಳಿಗಾರ್ ಅವಿನಾಶ್ ಹಾಗೂ ಇತರರು ಭಾಗವಹಿಸಿದ್ದರು.

ವರದಿ : ದುರ್ಗೇಶ್ ಭೋವಿ ಮಸ್ಕಿ

ಶಿಡ್ಲಘಟ್ಟ : ಅಗತ್ಯ ವಸ್ತುಗಳ ಖರೀದಿಗೆ ಮುಗಿಬಿದ್ದ ಜನ ರಾಜ್ಯದಲ್ಲಿ ಮಹಾಮಾರಿ ಕೊರೊನ ಎರಡನೆ ಅಲೆ ಪ್ರಾರಂಭವಾಗಿರುವ ಹಿನ್ನೆಲೆಯಲ್ಲಿ ಚಿಕ್ಕಬಳ್ಳಾಪುರ ಜಿಲ್ಲೆಯಲ್ಲಿ ಸೋಮವಾರ ,ಮಂಗಳವಾರ ,ಬುಧವಾರ ಗಳಲ್ಲಿ ಅಗತ್ಯ ವಸ್ತುಗಳ ಖರೀದಿಗೆ ಬೆಳ್ಳಗೆ 06 ಘಂಟೆಯಿಂದ 10 ಘಂಟೆ ವರೆಗೂ ಆವಕಾಶ ವಿರುವುದ್ದರಿಂದ ನಗರದಲ್ಲಿ ಅಗತ್ಯ ವಸ್ತುಗಳ ಖರೀದಿಗೆ ಜನ ಮುಂದಾಗಿರುವ ಚಿತ್ರ ಕಂಡು ಬಂದಿದೆ

ವರದಿ: ಕೆ.ಮಂಜುನಾಥ್.ಶಿಡ್ಲಘಟ್ಟ